Get the latest news at
your fingertips!
Download our app now
LIVE TV
Search
സ്ത്രീകള്‍ വ്യാപകമായി ഉപയോഗിക്കുന്ന സൗന്ദര്യ സംരക്ഷക വസ്തുക്കളായ ഷാമ്പൂ, ലോഷന്‍ എന്നിവയില്‍ കാന്‍സറിന് കാരണമാകുന്ന ഫോര്‍മാല്‍ഡിഹൈഡ് അടങ്ങിയിട്ടുള്ളതായി പഠനം. കാന്‍സറിന് കാരണമാകുന്ന ഈ കെമിക്കല്‍ ഐലാഷ് ഗ്ലു മുതല്‍ ബോഡി സോപിലും പ്രിസര്‍വേറ്റീവുകളിലും വരെ ഉപയോഗിക്കുന്നതായാണ് പഠനത്തില്‍ പറയുന്നത്.
എന്‍വയേണ്‍മെന്റല്‍ സയന്‍സ് ആന്‍ഡ് ടോക്‌സികോളജി ലെറ്റഴേസില്‍ പ്രസിദ്ധീകരിച്ച പഠനത്തില്‍ പകുതിയോളം നീഗ്രോ, ലാറ്റിന സ്ത്രീകളും ഈ കെമിക്കല്‍ അടങ്ങിയ ഉല്പന്നങ്ങളാണ് ഉപയോഗിക്കുന്നതെന്ന് ചൂണ്ടിക്കാണിക്കുന്നു.
ലോസ്ആഞ്ചല്‍സിലെ 70 കറുത്ത വനിതകളിലും ലാറ്റിന വനിതകളിലുമാണ് പഠനം നടന്നത്. അവര്‍ ഉപയോഗിക്കുന്ന ഉല്പന്നങ്ങളുടെ അടിസ്ഥാനത്തിലായിരുന്നു പഠനം. ഒരു പ്രത്യേക ആപ്പിലൂടെ അവര്‍ തങ്ങള്‍ ഉപയോഗിക്കുന്ന പ്രൊഡക്ടുകളുടെയും അതില്‍ ഉപയോഗിക്കുന്ന ചേരുകളുടെ പട്ടികയുടെ ചിത്രവും ഗവേഷകര്‍ക്ക് സമര്‍പ്പിച്ചു. അതില്‍ 53 ശതമാനം പേരും ഫോര്‍മാല്‍ഡിഹൈഡ് അടങ്ങിയ ഒരു ഉല്പന്നമെങ്കിലും ഉപയോഗിക്കുന്നുണ്ടെന്ന് കണ്ടെത്തി. സര്‍വേ നടത്തിയതില്‍ 58 ശതമാനം മുടി സംരക്ഷണ ഉല്പന്നങ്ങളിലും ഇത് അടങ്ങിയിട്ടുള്ളതായി കണ്ടെത്തി.
പരിസ്ഥിതി സംരക്ഷണ ഏജന്‍സി (ഇപിഎ) ഫോര്‍മാല്‍ഡിഹൈഡിനെ മനുഷ്യന്റെ ആരോഗ്യത്തിന് അപകടമുണ്ടാക്കുന്ന ഒന്നായി നേരത്തേ് റിപ്പോര്‍ട്ട് ചെയ്തിരുന്നു. മുടി സ്ട്രെയ്റ്റനിംഗ് ഉല്‍പ്പന്നങ്ങളില്‍ ഈ കെമിക്കലിന്റെ സാന്നിധ്യമുള്ളത് വളരേ നേരത്തേ കണ്ടെത്തിയിരുന്നു. എന്നാല്‍ നിത്യവും ഉപയോഗിക്കുന്ന സൗന്ദര്യസംരക്ഷണ ഉല്പന്നങ്ങളില്‍ ഇവയുടെ സാന്നിധ്യം തിരിച്ചറിയുന്നത് ആദ്യമാണ്.
ഫോര്‍മാല്‍ഡിഹൈഡ് അടങ്ങിയ ഉല്പന്നങ്ങള്‍ തുടര്‍ച്ചയായി ഉപയോഗിക്കുന്നത് ആരോഗ്യത്തിന് ഹാനികരമാണെന്നാണ് ഡോക്ടര്‍മാര്‍ അഭിപ്രായപ്പെടുന്നത്. ഈ കെമിക്കല്‍ ഉള്‍പ്പെടുത്തിയിട്ടുള്ള ഉല്പന്നങ്ങള്‍ തിരിച്ചറിയുന്നതിന് ഉപഭോക്താക്കള്‍ക്ക് സാധിക്കാറില്ലെന്നും അവര്‍ ചൂണ്ടിക്കാട്ടി. യുഎസിലെ നിരവധി സ്‌റ്റേറ്റുകളിലും യൂറോപ്യന്‍ യൂണിയനിലും ഫോര്‍മാല്‍ഡിഹൈഡ് ഉപയോഗിക്കുന്നതിന് നിരേധനമേര്‍പ്പെടുത്തിയിട്ടുണ്ട്.
Content Highlights: Cancer-causing chemicals detected in shampoos, lotions and body soaps, widely used by women: Study
